mendi usaia

Albako jaiak

2006-10-18T18:05:00.000+01:00

Ni, Iker, Rocío, Rosa eta Jose.

Garapen iraunkorra

2006-10-07T21:02:00.000+01:00

Garapen iraunkora garaiko belaunaldiaren beharrak asetzen dituen garapena da, hurrengo belaunaldien beharrak asetzeko ahalmena murriztu gabe.
Brundtland txostena

Lana

2006-09-28T15:40:00.000+01:00

Gaur haserre nago ikusten dudalako lan on bat aurkitzea ezinezkoa dela eta ez dakit ikasten egoera konponduko den ala ez.

Berriro hemen

2006-09-16T10:27:00.000+01:00

Aspalditik ez dut idatzi. Oporretan egon naiz, lana bilatzen aritu naiz eta asteburu batzuk mutilarekin pasatu ditut. Bizitza honetan gauza arruntenak dira garrantzitsuenak. Azken finean horiekin bizi gara, horiekin zoriontsuak gara edo ez. Etorkizuna ezezaguna da, horregatik batzuetan kezkatzen gara eta beste batzuetan amets egiten dugu. Zoriontsua izateko behar ditudan bi gauza horiek dagoeneko lortu ditut, hauek dira: bizitza bera eta maitasuna.

Almajano

2006-07-28T12:51:00.000+01:00

Leku magikoak

2006-07-16T16:33:00.000+01:00

Gernika, San Juan de Gaztelugatxe, Matxitxako, Bermeo, Ajangiz, Laida, Zarautz, Ormaiztegi, Segura, Zumarraga, Kizkitza, Ataun, Irun, Zugarramurdi, Urdazubi, Lesaka, Hondarribia, Oiartzun, Urretxu, Beasain, Plaiaundi, Andoain eta Ordizia. Leku magikoak daude, beste batzuk guk sortzen ditugu. Magia sortzeko ingurua, unea eta pertsona berezi bat behar ditugu. Asteburu hauetan hori dena aurkitu dut eta sentitu dut. Denbora oso azkar pasatzen zaigu, baina ematen du aspalditik ezagutzen garela. Bere izaerak sorgindu nau, orain nik bera sorgindu nahi dut.

EGA atera det

2006-06-28T14:44:00.000+01:00

Euskalduna izateko ez da azterketa bat gainditu behar, hala ere, lana bilatzeko batzuetan bai. Askok uste zuten azterketa hau ez nuela gaindituko (nire amak barne), nik ere askotan hori pentsatu dut. Eskerrak eman nahi dizkizuet niregan sinistu dituzuenei. Batzuek nirekin euskeraz hitz egin duzue, beste batzuek nire galderak erantzun dituzue (Benito, Aitzol (Maizpideko irakaslea), Janire eta Pili (Gernikako berbalaguna) bereziki) eta beste batzuek blog honetan utzi dituzue iruzkinak. Eskerrik asko!

Orain galdera bat daukat, zergatik nik baino hobeto hitz egiten duten eta ezagutzen ditudan euskaldun zahar batzuek ez dute azterketa gainditzen? Nire ustez EGAk ez du euskalduntzen. Dudarik gabe EGA atera baino lehen euskalduna sentitzen nintzen(eta sentitzen naiz).

Lehenengo eguna

2006-06-12T18:37:00.000+01:00

Larunbata ez dut inoiz ahaztuko, nire mutil-lagunak Gaztelugatxera, Matxitxakora, Bermeora eta Laidara eraman ninduen. Egun zoragarria izan zen, ilusioa baino gehiago berreskuratu nuen eta sabelean kilimak sentitu nintuen. Abesti hau entzun genuen, Joseba Sarrionandiak idatzitakoa eta Ruper Ordorikak abesten duena:

Ene begiek ez dute malko isuritzeko gogorik,
denik eta bizitza bakarra bizi dutelako. Entzun,
astiro doa denbora, idi gorrien gurdi hori.
Begira erlojuetako orratzak uneka herdoiltzen.
Zenbat gauza utzi dudan estarta bazterretan
edo laku urdinen hondoan, bizitza bakarrean,
eta zenbat aldiz galdu naizen behelainotan
basoilar izateko ametsetan dabiltzan kurloiekin.
Ene desirak iada ez dira habia abandonatuak besterik
ene bihotzean. Eguzkia gurpil ahul bat da.
Ez dezadan gehiago entzun, begiratu, ez pentsau,
bizitza hau bakarra delako, gal ez dadin, ibili ez
eta sentitu ere ez, harriak lez izan nahi dut,
mendea eta segundua gurutzatzen diren lekua,
lekua besterik ez izan, hurrin deritzan aberrian.

Ikerren begiak ederrak dira.

Lurraskan

2006-05-25T18:38:00.000+01:00

Azken aldian gutxi idatzi dut. Asierrek utzi ninduenean lehenengo astea negar egin nuen, baina orain nahiko ongi nago eta libre sentitzen naiz. Hala ere, leku ezagunetatik pasatzen naizenean bere falta nabaritzen dut. Atzo oso ondo pasatu nuen umeekin, basora joan ginen eta landareak azaldu nizkien. Taldeko guztiek badakite haritzaren hostoak zeintzuk diren. Aritzek (5 urteko umea) gaur hostoak oparitu dizkit, esan dit: horrela album bat egingo duzu. Asierri atzo errieta egin nion, hala ere, gaur marrazki bat oparitu dit.

Asteartean pentsatu nuena

2006-05-05T18:42:00.000+01:00

"Atzo gauean Asierrek moztu zuen. Bizi berri bat hasteko garaia dela uste dut. Horrela ezin genuen jarraitu, baina oraindik maite dut. Betirako lagun ona izatea espero dut, orain bakoitzak bere bidea jarraitu behar du. Momentu onak nire barnean gordeko ditut eta segur aski zerbait ikasi dut. Ezin dut gehiago idatzi, bestela, hemen, Gernikako Kz gunean, negarrez hasiko naiz eta ez dut nahi. Nire lana asko gustatzen zait, umeekin eta animaliekin ibiltzen naiz."
Azalpen txiki bat eman beharko nuke, azkenean ez nintzen barnetegira joan. Lurraskan lanean hasi naiz.

Esamoldeak

2006-04-19T19:47:00.000+01:00

11 esamolde daude baina 11 idatziko ditut ;)

1. Urte askoan, txapela kaskoan.
2. Amerikan ere, txakurrak oinutsik.
3. Hor konpon, Marianton.
4. Jan eta lo pottolo.
5. Zer egingo dugu ba, hil arte bizi.
6. Gezurrak, hanka motza du.
7. Alferrik da ura joanda gero, presa egitea.
8. Zozoak beleari, ipurbeltz.
9. Haitzean jaioak, haitzera nahi.
10. Lehen hala, gero hola, gero ez jakin nola.
11. Hobe da oinez eta segurora eta ez zaldiz eta zulora.

Rojitas las orejas - Fito y los Fitipaldis

2006-04-19T11:02:00.000+01:00

Que tiene tu veneno que me quita la vida solo con un beso y me lleva a la luna y me ofrece la droga que todo lo cura. Dependencia bendita visible cadena q me ata a la vida y en momentos oscuros palmadita en la espalda ya estoy mas seguro.
Se me ponen si me besas rojitas las orejas.
Pon carita de pena que ya sabes que hare todo lo que tu quieras ojos de luna llena miradas de fuego y mi cuerpo de cera. Tu eres mi verso pluma, papel y sentimiento la noche yo y tu la luna tu la cerveza y yo la espuma.
Se me ponen si me besas rojitas las orejas
Rojitas las orejas, rojitas las orejas...

Lehen abesti hau entzuten nuen, kaseta Pilik grabatu zidan, oraindik asko gustatzen zait.

La Fuga - Abril

2006-04-19T10:53:00.000+01:00

¿Dónde vas metida en ese viejo abrigo gris? Si nadie espera en la casa, ¿para qué llegar sin rumbo, aburrida, cansada de trabajar?
¿Dónde están los buenos amigos que nunca se iban a ir? ¿Los besos que por las noches te hacían volar? ¿Los labios que siempre decían sí?
Maldito Abril, maldito Abril, maldito Abril. Solo viene a recordarte que ya no eres feliz.
¿Dónde vas? Cruzas, sin prisa, las calles de tu barrio gris. El príncipe azul fue marrón y no quiso llamar. Ahora, el espejo escupe toda la verdad.
¿Dónde están las noches sin pastillas para dormir? ¿Las penas que solo eran penas para los demás? ¿La colección de promesas por cumplir?
Maldito Abril, maldito Abril, maldito Abril. Solo viene a recordarte que ya no eres feliz

Euskaltegira itzuliko naiz

2006-04-18T19:56:00.000+01:00

Lazkaora itzuliko naiz. Segur aski 5 aste pasatuko ditut, bitartean EGAra aurkeztuko naiz, euskara ikasiko dut eta Asierrekin eta lagunekin egongo naiz. Oraindik ez dakit noiz bidaiatuko dudan, baina astelehenean ikastaroa hasten da, beraz, astelehenerako han izan behar dut. Uste dut desberdina izango dela. Asteburuetan segur aski Lazkaon bertan geratuko naiz, hala ere, iparraldera eta talasoterapiara joatea gustatuko litzaidake. Horretaz gain, Tolosako, Ibarrako eta Billabonako lagunak ikustea ez legoke gaizki.

Pagoa eta pagadia

2006-04-18T16:29:00.000+01:00

Normala denez, pagadietan espezie nagusia pagoa da, hau da, Fagus sylvatica nomenklatura binominalaren arabera. Pagoak baso hostogalkorrak osatzen ditu. Altuera handikoa da (30-45 metro bitartean). Hauts koloreko azala dauka eta enborra zuzen hazten da. Loreak udaberrian agertzen dira eta geroxeago fruituak agertuko dira. Fruituak pagatxak dira, beste animalia batzuez gain urtxintxek eta txoriek jaten dituzte.
Pagadietan pagoaz gain beste espezie batzuk daude. Pagadi oligotrofoetan gorostia ( Ilex aquifolium) eta otsalizarra (Sorbus aucuparia) aurki ditzakegu. Pagadi basofilo eta onbrofiloetan hurritza (Corylus avellana), elorri zuria (Crataegus monogyna), hostazuria (Sorbus aria) eta elorri beltza (Prunnus spinosa) aurki ditzakegu. Bestalde, pagadi basofilo eta xerofiloetan rosa eta ezpel generoko espezieak aurki ditzakegu.
Pagoak hezetasuna behar du, hau da, urteko prezipitazioa 600 mm-tik gora izan behar da. Euskal Herrian altura handiko tokietan ugaltzen da, hots, 600 metrotik gorakoetan. Pagoak gaztea denean itzalean bizi behar du. Pagadiak kaltzikolak edo azidofiloak izan daitezke, lurzoruko substratuen arabera.

Euskararen basoa

2006-04-15T21:57:00.000+01:00

Martxoaren 4an Oiartzunen zuhaitz eguna ospatu zen eta bostehun zuhaitz inguru landatu ziren. Alban ez dira horrelako gauzak antolatzen. Landatu ziren zuhaitzen zerrenda hau da:
Astigarra edo astigar arrunta (Acer campestre), elorri zuria (Crataegus monogyna), gereziondoa (Prunus avium), makatza edo udareondo basatia (Pyrus cordata), hostazuria (Sorbus aria), otsalizarra (Sorbus aucuparia), basagurbea (Sorbus torminalis), haritza (Quercus robur), lizarra edo lizar arrunta (Fraxinus excelsior).

Gaur eguraldi ona egiten du

2006-04-09T17:21:00.000+01:00

Gaur eguraldi ona egiten du. Gipuzkoan izango banintz nire mutilarekin paseo bat ematera joango nintzateke. Azkenaldi honetan ezin izan dugu elkar ikusi. Asteartean Oiartzunera joango naiz azterketa bat egitera baina gauean Salamancara itzuliko naiz, hurrengo egunean tronpeta jo beharko dut eta. Azken aldiko ibilbideaz gogoratu naiz, oinez joan nintzen elizaldeko auzotik arragua auzora, Arditurriko bidegorria jarraituz. Oiartzungo elizalde auzoa toki polita iruditu zitzaidan. Gaur ikusi dut Ruscus aculeatus-en izena erratza dela eta erratzak egiteko erabili dela.

Igelaren bila

2006-04-08T21:24:00.000+01:00

Aste honetan bideo bat grabatu genuen, batzuk "giriak" ziren eta unibertsitateko igela bilatzen ari ziren, nik azalpenak eman behar nituen eta bitartean igela saltoka ibiltzen zen. Lagunak edukitzea oso polita da.

Ibilaldia

2006-04-08T20:28:00.000+01:00

Albara etorri ginenean aita lana gabe geratu zen eta egunero arratsaldean paseatzera joaten ginen. Gaur ibilaldi hori egin dut, larre berdez inguratuta aske sentitu naiz. Uste dut ausarta naizela eta pozik nago. Landareak bizitzaz beteak daude, nik bizitzaz eta espirituz betea egon nahi dut.
Nire ahizpa gaixo dago, ea laister sendatzen den.

Lazkao elurtuta

2006-03-12T23:28:00.000Z

Ikusten duzuenez urtarrilean Lazkaon ere elurra egin zuen.

Maizpideko logelako lehiotik hau ikusten zen: mojen komentua. Asierrek batzuetan esaten zidan ni moja bihurtuko nintzela. Logelakide onak izan nituen, hori oso garrantzitsua da, zeren eta euskaltegian egun osoa pasatzen genuen, hain zuzen ere, komentu batean bezala. Gaur Ainhoarekin hitz egin dut, lasai dago Iruñean.

Denbora

2006-03-12T20:05:00.000Z

Denbora hire esku artean zagok: Ukitu, ukitu. (Claudio Rodriguez)

Denbora bizitza bezain laburra da. Beharbada horregatik bakoitzak antolatzen du nahi duen bezala. Ia beti nire bihotzak esandako bideari jarraitzen diot eta agian horregatik askotan (ez beti) bakarrik bidaiatzen dut. Hala ere, ez ditut nire ideiak aldatu nahi, beharbada burugogorra naizelako eta nire bizitzan sentimenduak garrantzitsuak direlako. Argazkian Ataungo bidea ikusten da, bide polita da. Gaur egun naturan lasaitasuna bilatzen dut.

Lekutan nago!

2006-03-09T12:08:00.000Z

Euskaltegian ikasitako esaldia erabili dut izenburu gisa.
Duela 6 egun Salamancara itzuli nintzen, hemen lasaiago nagoela onartu behar dut baina hala ere Euskal Herrira itzultzeko asmoa dut. Euskaltegira ilusio handiarekin iritsi nintzen eta oraindik euskara ikasi nahi dut. Batez ere, ondo hitz egin nahi dut. Oraindik askotan urduri jartzen naiz norbaitekin hitz egiten dudanean. Euskaltegian lotsa edo beldurra galdu nuen baina orain euskaraz hitz egiteko ohitura galtzeak beldurra ematen dit. Atzo mintzalagunak deitu zidan, ustekabe atsegina izan zen. Martxoaren 16an Oiartzunera joango naiz eta beharbada hurrengo egunean ikusiko dut.

Azti batek sorgindu nau

2006-02-21T17:40:00.000Z

Eta ez dut sorginkeria desegin nahi. Eskerrik asko Asier, asteburu latza izan da eta zuk lagundu didazu. Zure ondoan izateak lasaitzen nau. Maite zaitut laztana

Azken afaria

2006-02-03T17:07:00.000Z

Lau aste pasa dira Maizpidera etorri nintzenetik eta pozik nago. Ikusi duzuenez ez dut denbora askorik izan idazteko. Idazlanekin nahikoa dut. Beste hilabete bat gehiago geratuko naiz eta gero zer egin pentsatuko dut. Ikastaro honetako irakasleak onak izan dira eta gelan gustura nabil. Atzo azken afaria ospatu genuen, ikastaroa gaur bukatu baita. Datorren astelehenean ikastaro berri bat hasiko da eta Tista Lezetara itzuliko da baina hikako ikastaroan elkar ikusiko dugu. Atzo oso ondo pasa nuen. Talde guztiek Maizpiden afaldu genuen eta gero batzuk atera ginen. Zelatan "Xalbadorren heriotzean" abestia entzun genuen eta batzuek abestu genuen.

MAIZPIDE (Lazkao)

2006-01-02T10:35:00.000Z

2006ko urtarrilaren 9an Maizpide barnetegira euskera ikastera joango naiz. Ez naiz inoiz euskaltegi batean izan, baina asko ikasiko dudalakoan nago. Dena berria da niretzat. Biologia bukatu nuen eta oraindik ez dut lanik aurkitu, euskera ikastea ideia ona zela pentsatu nuen (nere amak euskera ikastea ez zela ideia ona pentsatu zuen). Euskaraz bizi nahi dut, atzo Janirekin horri buruz hitz egin nuen. Berak bizkaieraz hitz egiten du eta nirekin bizkaieraz egingo duela esan zidan. Oso jatorra da. Asierrek nere kurrikuluma euskarara itzuli du.
Ea euskaltegiko karrajuan lagunak egiten ditudan!

Urte berri on!

2005-12-31T23:38:00.000Z

Ea zer dakarkigun. Orain Salamancan nago baina urtarrilaren zazpian tren geltoki honetara iritsiko naiz eta gero auskalo. Batzuetan geltokietan ez dago inor itxoiten baina ez duzue triste jarri behar, ametsak zuekin baitoaz. Pozik nago. Nere mutila ikusteko irrikitan nago. Laister esango dizuet zer egingo dudan urtarrilean. Muxuak

What if you slept?

2005-12-12T17:00:00.000Z

Hau nere ahizpak idatzi zidan, ez dakit nondik atera zuen.

What if you slept?
And what if, in your slept, you dreamed? And what if, in your dream, you went to heaven and there plucked a rare and beautiful flower? And what if, when you awake, you had the flower in your hand? Ah, what then?

Soria

2005-12-07T18:57:00.001Z

Soria nahiko ahaztuta dago. Soriako biztanle-dentsitatea oso baxua da (8,8 biztanle/km2) eta garraioa nahiko txarra da. Industria gutxi dago eta gehienak nekazal ustiapen txikiak dira. Nire aitona nekazaria zen. Nik ez dut industria gehiago nahi baina beste gauza batzuk aldatu behar dituzte.

L´asturianu llingua oficial!

2005-12-05T22:21:00.000Z

Hizkuntza hau askorentzat ahaztuta dago. Hiztun gutxiko hizkuntza denez, galtzeko arriskua du. Guztiz ulertu ez arren, Dixebraren "pallabres vieyes" abestia gustatzen zait. Hizkuntza guztiak zaindu behar ditugu mendez mende bizirik iraun dezaten.

Amonaren katua

2005-12-04T21:04:00.000Z

Euskararen Nazioarteko Eguna

2005-12-01T11:04:00.000Z

Abenduaren 3an Euskararen Nazioarteko Eguna izango da.
Gaur Euskal-izenak blogean eusko ikaskuntzaren aitorpena aurkitu dut, hona hemen deklarazioa:
1. - Euskara, ustez Europako Hizkuntzarik Zaharrena, nazioarteko kultura ondarearen zati bat da.
2. - Europar hizkuntza den euskarak toki, lurralde, nazio eta europar erakundeen ezinbesteko laguntza behar du, gaur eguneko hizkuntza gisa garatu ahal izateko legeria aproposa sortuz.
3. - Europar Batasuneko hizkuntza ofiziala izendatu behar da euskara, Batasuneko Estatuetako gainerako hizkuntzekin batera.
4. - Aitorpen honen aldeko nazioarteko komunitatearen atxikimendu indibidual zein kolektiboak aipatutako helburuak ahalbidetuko ditu.

Deklarazioari zure atxikimendua adierazteko orri honetan sartu behar duzu eta deklarazioa orri honetan aurkituko duzu. Sustatun ere honi buruz artikulua badago.

Kalean...

2005-11-26T22:22:00.000Z

Hau ez dute niretzat idatzi baina polita iruditu zitzaidan.

Elena

2005-11-26T17:39:00.000Z

Aldatu nahi ez duen neska.

Neska bihurria eta maitagarria naiz, baita setatsua ere. Askotan gaizki pentsatzen dut. Gauza desberdinak gustatzen zaizkit. Bizia eta askatasuna maite ditut. Amets dexente ditut. Batzuetan negar egiten dut. Lagun asko ditut baina gutxi toki bakoitzean. Ingurugiro hezitzailea izan nahi dut, futbola gustatzen zait, liburu bat euskeraz idatzi nahi dut (horretarako denbora asko beharko dut, jeje) eta tronpeta jotzen dut. Euskal Herria eta euskara maite ditut. Gehienetan nere ilusioak bete dira (baina ez beti), beharbada setatsua naizelako.

Euskal Gramatika Osoa (Ilari eta Entzi Zubiri)

2005-11-22T12:30:00.000Z

Euskara ikasten ari naiz eta liburu hau erabiltzen dut. Liburu horretatik bi esaldi aukeratu ditut:
"Eguneroko euskara mintzatuan askoz ere garrantzitsuagoak dira adierazkortasuna, naturaltasuna eta bizitasuna arau guztiak baino. Beraz, ahoskera zaintzearen zaintzeaz, ez dezala euskarak bizia gal."

Supizteko ardagaia (Fomes fomentarius)

2005-11-15T16:09:00.000Z

Zuhaitz enborretan hazten den perretxikoa da, parasitoa da. Ez du hankarik. Bere fruitu-gorputzak (edo onddoaren ugalketa atala) zaldi-aporen forma du eta iraunkorra da. Kolore zuri grisaxkakoa da. Himenioa poroz osatuta dago. Mami larrukara dute eta horregatik ez dira jangarriak. Garai batean, etxeko sua pizteko erabiltzen zen.

Mundua ezagutu nahi zuten zapatak

2005-11-12T23:16:00.000Z

Belarra gustokoa zuen
BidegurutzeanZerura igotzen

Concha Promenade (Donostia-San Sebastian)

2005-11-12T14:16:00.000Z

Concha Promenade is a place with a long history where people go to have walks over the beach with the same name. The tamarinds and flower beds with several plant species grow in the gardens, where pedestrians can go for walks and pause to rest on the benches.

Altxorraren bila

2005-11-05T22:53:00.000Z

Maskor baten azpian altxor bat ezkututa dagoela esaten dute. Beharbada horregatik maskor batzuk kenduta daude. Etxeko sarreran atzerritarrekin geratzen naiz ingelesez hitz egiteko. Kontserbatoriora joaten nintzenean etxe hortatik pasatzen nintzen, azkenean kontserbatorioa bukatu gabe utzi nuen. Tronpeta jotzen dut, neska gutxik tronpeta jotzen dugu. Ikusten duzuenez Salamancan bizi naiz.

Unibertsitatean

2005-11-02T16:20:00.000Z

Gaur hezkuntza zientzien fakultatetik idazten dizuet. Irudi hau hemendik atera dut: http://pack-square.business-php.com/

Zarautz

2005-10-30T13:21:00.000Z

Uste dut toki ona dela bertan bizitzeko. Ea nire mutilak nirekin etorri nahi duen.

Olerkia

2005-10-30T11:28:00.000Z

Denbora pasatzen da
eta hemen jarraitzen dut,
arazoak desberdinak dira
ilusio gutxiago ditut.
Lehen umea nintzen
eta orain garai hura
ia ahaztuta daukat.
Batzuetan esnatzen naiz
eta eguzkiaren izpiak
nere lehiotik sartzen ikusten ditut.
Ohean geratzen naiz pentsatzen
eta oraindik umea naizela
konturatzen naiz,
nere bizia ez da hainbeste aldatu.
Azken urteotan
gauza asko gertatu dira
etorkizunaz pentsatu dut
eta iragana bazter batean utzi nuen.
Gaur etorkizuna eta iragana
elkartzen dira
eta ondo sentitzen naiz.

Elena Solano

Olerki hau nere aitari eskaini nahi diot, gauza onak eta txarrak zituen baina bera nere aita zen eta beti nere aita izango da. Gaur indar gehiago dut eta nere biziarekin pozik nago, mundua eta bizia nere zain daude.

Aiako ardiak

2005-10-24T11:47:00.000+01:00

Ardiak azkarrak dira, askok kontrakoa esaten duten arren, jeje.

Bakardadea

2005-10-14T21:39:00.000+01:00

Sentimendu hori guztiok sentitu dugu inoiz. Batzuetan egunero sentitzen duzu eta besteetan, berriz, ahazten zaizu. Batzuetan bakarrik zaudela pentsatzen duzu, baina, benetan, ez zaude bakarrik. Beharbada zure inguruan ez duzu inor ikusten baina horrek ez du esan nahi bakarrik zaudenik. Horrek bakarrik esan nahi du begiek itxita dituzula edo zure lagunak urruti daudela. Espero ez duzunean norbait agertzen da eta zure bihotza maitasunaz betetzen du. Hala ere, zure bihotzean beti toki txiki libre bat egongo da eta bakardadea berriz sar daiteke. Gaur idatzi dudana Asierri eskaini nahi diot.

Amanita muscaria - Kuleto faltsua

2005-10-13T15:48:00.000+01:00

Onddoa perretxikoak eta mizelioak osatzen dute. Perretxikoa onddoaren ugalketa-atala da eta mizelioa onddoaren gorputz begetatiboa da.

Kuletu faltsua haur ipuinetan agertzen da. Txapela gorria da eta bere azaleran itsatsirik geratzen dira errezel zatitxo zuriak. Hasieran txapela esferikoa da eta errezel zuriz estalita dago. Perretxikoa hazten doan neurrian txapela laundu egiten da. Perretxikoak oinaren erdialdean eraztun malgua du. Kuletoa (Amanita caesarea) kuleto faltsuarekin (Amanita muscaria) nahas daiteke, baina kuletoak oina eta orriak horiak ditu eta kuleto faltsuak zuriak. Kuleto faltsua pozointsua da eta kuletoa jangarria.

Argazki hau Linares de Rio Frio-ko hariztian egin nuen.

Tolosa

2005-10-10T14:23:00.000+01:00

Argazki hauek aurten egin ditut.

Ondo pasa mahats pasa

2005-10-10T12:59:00.000+01:00

Gaur esaldi berri bat ikasi det, beharbada Asierrek asmatu du baina barre eragin dit. Gaur pozik nago. Alban euria ari du.

Gotzon Garatek idatzitako iritzi artikuluaren zati bat ipiniko det:
Guri esaten zaigu ez dugula euskara «arma arrojadiza» bezala erabili behar. Badirudi guk milioi bat ez garen euskaldunok eta euskara gal zorian daukagunok, gaztelaniaz mintzo diren 300 milioi eta dozenaka gobernuz babestuak direnak geure arma arrojadizaz eho eta suntsitu nahi ditugula. Nork arma arrojadizak jaurti? Ez duzue euskaldun bat aurkituko gaztelaniari gorrotoa dionik. Ostera, euskarari gorroto bizia dioten espainolak piloka dira. Bai eta euskaldun batzuk ere. Horien esku balego, gaur berton sinatuko lukete euskara lurraren azaletik suntsi dadin.
Hogei euskaldun bildurik badaude eta espainol bat agertu, denak erdaraz hasten dira. Nork jaurtitzen du arma arrojadiza?

Hala ere, gehienetan erderaz hitz egiten dut. Euskara maite dut baina ez naiz euskaraz hitz egiteko gai.

Hilarri izkribua

2005-10-09T22:36:00.000+01:00

Halan suertartu eta hil banaiz,
goroldio eta lur azpiko
zoko honetara sartu banaute,
hegoaizea ene etzan lekura
inola ailegatu ezin bada,
belar sustrai ttipien
hazkurea ere senditzen ez badut,
orduan, bizitza ez zait
hainbeste axola.

Joseba Sarrionaindia

Zizurkil eta Zizurkilgo baserri bat

2005-10-06T12:02:00.000+01:00

Argazki hauek irailean egin nituen.

Blogak

2005-10-05T22:20:00.000+01:00

Orain oporretan nago eta blog batzuk irakurtzen ditut. Beste blog berri bat sortzea pentsatu det baina azkenean ez det egingo, agian denborarekin egingo det. Blog hau ez zait gehiegi gustatzen baina nere errua da. Gehien gustatzen zaidana nere argazkiak dira. Argazki honetan Zizurkil ikusiko dezue. Ondo ibili!

Bizitza

2005-10-03T17:18:00.000+01:00

Billabonan eta Zizurkilen bizikletaz ibiltzen ikasi nuen eta nere lehenengo lagunak egin nituen. Herriak etengabe aldatzen ari dira eta gu ere aldatzen gara, bizitzak aldatzen gaitu. Ilusio batzuk eta pertson batzuk betirako galdu ditut eta beste batzuk nerekin jarraitzen dute. Hala ere ez det nere sorterria ahaztu. Orain beste hiri batean euskarazko klaseak ematen hasiko naiz, zuek nik baino gehiago dakizue. Hala eta guztiz ere ez naiz lotsatu behar. Batzutan hitz egiteak lotsa ematen dit eta lotsa ez da batere ona, lotsaren ondorioz barruan daukadana ezkutatzen dut.

Dunetako landaretza

2005-09-27T11:16:00.000+01:00

Dunetako landareek estres bortitza jasaten dute. Ingurune hauetan haizeak gogor jotzen du. Leku lehorrak dira, euri-ura arin iragazten delako eta eguzkiztapen haundia dagoelako. Gazitasun haundiko lekuak dira eta landareek osmosi-arazoak dituzte. Baldintza hauetan bizitzeko landareek adaptazio mekanismoak garatu behar izan dituzte.
Dunetan landare hauek aurki ditzakegu: Eryngium maritimum (itsas armika), Cakile maritima (itsas kakilea), Calystegia soldanella (itsas ezkertea), Euphorbia paralias (Dunetako esnebelarra), Ammophila arenaria (harenondokoa), Medicago marina (itsas alpapa), Phleum arenarium (hare pleotza)...

Euphorbia paralias

Eryngium maritimum

Urteko egunik politena

2005-09-25T17:06:00.000+01:00

Zarautzera joan ginen eta Iñurritzatik ibilaldi bat egin genuen. Maitasuna igartzen zen inguruan, usain bat balitz bezala. Ingurua oso polita zen eta dunetako landaretza ezagutu genuen.

Euskal Herria

2005-09-23T10:16:00.000+01:00

Euskal Herrian hamar egun pasa ondoren etxera itzuli naiz. Biologia amaitu det. Nere mutila ikusi det eta lagunak ikusi ditut. Nere bizitzarekin egin nahi dudana argi daukat. Ez naiz etorkizunaz kezkatu behar, poliki-poliki gauzak gertatuko dira.

Lehiotik

2005-09-05T14:03:00.000+01:00

Be-ri esker ezagutu dut "El columpio asesino" taldea, hemen abesti polit baten hitzak dituzue:

Lehioaren barruan
amets itxiak
lehioaren barruan
naufrago gabiltza
lehioaren barruan
itotzen gauero
noiz agertuko zara
sortu dugun argiak
ez du berotzen
sortutako loreak
ez dira usaintzen
egindako eskaintzak
garestiak dira
noiz agertuko zara?

Argazkiko txakurra Gasteizko txakur gaixoa da.

Xixón

2005-08-24T18:51:00.000+01:00

Argazki hauek udakoak dira. Ahizpa, ama eta ni Asturiasen egon ginen kostaldeko herri txiki batean. Hondartzara ia egunero joaten ginen. Egun batean Xixón ezagutzera joan ginen. Txillidaren eskultura "Elogio del Horizonte" deitzen da.

Asparagus acutifolius eta garbiketa

2005-08-16T13:15:00.000+01:00

Nazkatuta nago, gaur sukaldearen garbiketa sakona egin dugu. Amarekin eta ahizparekin haserretu naiz. Bakoitzak bere erara egiten ditu gauzak.

Argazkian zainzuri-landarea azaltzen da, zainzuri-espezie hau Arribes del Duero aldean aurki daiteke.

El Codigo da Vinci&kiss me

2005-08-14T22:40:00.000+01:00

Irakurri dudan azken liburua "El Codigo da Vinci" izan da. Elizak esaten duena zalantzan jartzen du eta emakumeari inportantzia ematen dio. Askotan pentsatzen dut ez dugula dena sinistu behar.

Avril Lavigneren "kiss me" abestia asko gustatzen zait.

Kiss me
out of the bearded barly
nightly
beside the green green grass
swing swing (swing swing)
swing the spinning step
you wear those shoes and
i will wear that dress.

ohhhh......(chorus)
kiss me
beneath the milky twilight
lead me
out on the moonlit floor,
lift your open hand
strike up the band and
make the fog lights dance
silver moon sparkling.
So, kiss me.
Kiss me (kiss me)
Down by the broken treehouse
Swing me (swing me)
upon it's hanging tire,
Bring bring (bring bring)
bring your flowerhat
we'll take the trail marked on your
father's map, ohhhhh

(chorus)
instrumental section

OHHH....kiss me
beneath the milky twilight
lead me
out on the moonlit floor,
lift your open hand
strike up the band and
make the fog lights dance
silver moon sparkling.
So, kiss me.

So, kiss me.
So, kiss me.
(lalala lalala)
So, kiss me.

Itsasoa

2005-08-13T11:27:00.000+01:00

Badakit ikasi behar dudala baina gustura joango nintzateke hondartzara nere mutilarekin.

Hasiera

2005-08-12T19:37:00.000+01:00

Blog bat idaztea ez da batere erreza niretzat eta are gutxiago euskeraz. Baina denborarekin eta ilusioarekin dena ikasten da, horregatik sortu det blog hau.